هذه قصيد حب 100 بيت وأرجو قرائتها كامله

الله يـوفـق مثـلـك الله يخلـيـه....كانك نويت الصـد والهجـر ويـاه

غالي ولك بالقلـب شـي ومخفيـه....اكبر من اللـي بالضمايـر تهقـواه

في غيبتك قلبي ترى الهـم صاليـه....واسهرت ليلي بيـن ونـه وويـلاه

البارحه طيفـك مـع الليـل احاكيـه....يشهد علي الليـل والنجـم يصغـاه

فكـرت ويـا الليـل مبـدع قوافيـه.....مسحوب طرقـي والقوافـي تقفـاه

والحزن فوق القلب والهـم مقفيـه....و ليلي غدا ليلين والصبـر مقـواه

اكتب شطروالشطر الاخـر نجاريـه.....شاعـر تحـد ه والليالـي تـوطـاه
ا
جزل بيوت الشعـر وحكـم معانيـه....ولا هزيـل القـاف واضـح ثنايـاه

ياللي حرقت القلـب منهـو يطفيـه....النار نار ٍ تتعـب القلـب واحشـاه

يا مانسيت اللي من النـاس نغليـه....ولاعاد به شـي ليـا حـل طريـاه

استر عيوب الناس والطيـب ابديـه....وش خانت اللي ماسترعيـب رفقـاه
ا
مسٍ وقبل البـارح القلـب اهنيـه....امسي مع الفرحه وصبّـح بفرحـاه

في شوفتك افرح مع اللحـن اغنيـه....وطيفك يسلـي كـل طـرقٍ بمغنـاه

قلبي كثير اللي من النـاس ترجيـه....وانا الذي قلبك من النـاس يرجـاه

لاتحسب ان الصـد صعـبٍ تحديـه....ترى الزمن يشكـي ومثلـي تحـداه

انشد وتلقى الليل تقصـر مساريـه....صدر الزمن يشكي من اقصاه ودنـاه

راحت هجوسك مبعده فـي هقاويـه....انشد جبال اطويـق واللـي ترقـاه

تلقـى زمانـك قاصـرات ٍ ليالـيـه.....هذا الصحيح وتدمـع العيـن فرقـاه

وانت الذي لاضاق صدره نراضيـه....نتعب على شانه على شان نرضـاه

ولا انت تدري من زعل عيب اصافيه....يادارس اطبوع المشاعـر وتـدراه

يا ما لقيتـك تشكـي الهـم تشكيـه.....وجهك عبوسٍ تشكي الحـظ بـرداه

ياللي خذيت القلـب وشعادكـم فيـه....رده ترى قلب العنـا وافـي اشقـاه

ارفـق بقلـب هالليالـي تفاجـيـه.....يابـو ثمـانٍ مرهـفـاتٍ مصـفـاه

انا عشقت وعشقـي محـدٍ يظاهيـه....جيتك على الفطره وذ القلب يغشـاه

احساس من قمـة شعـورٍ وطريـه....عليك ياللي ناسـي القلـب تنسـاه

في كفي سيـفٍ للعواذيـل مرهيـه....وفي صدري درعٍ لسهوم المصـلاه

ياقلبـي الليلـه علـى وادي التيـه....جريت ونـه والـف ونـه مـن الأه

اسمع صدى صـوت المعنـا بتاليـه....اضحك واقول الله يعين الـذي تـاه

والحق انا اللي تايـهٍ فـي دواهيـه....مجراك نـار تكـوي القلـب تكـواه

باغيـه قلبـي والمشاعـر تناديـه.....قلبي عشق قلبه مـع الليـل نـاداه

يفداك منهو يجمـع اريـال وجنيـه....يفداه وجـه الطيـب والعـز يفـداه

مثل البواخر لا رست فـي مراسيـه...حبك رسا صبح ومسا ابكل مرسـاه

بين الظلـوع الحـدب حبـه ابنيـه....واكتب عليه من الغلا شـي يزهـاه

لكنّ كيـف القلـب هـذا امتناسيـه.....ياصرح مدري جرح ياجـرح ودواه

يمكـن صواديـف الليالـي تحاديـه....ولاّ تغـلا والغـلا فــي مـزايـاه

لكـنّ قلبـي ماصبـر ليـل مشقيـه.....دنت هجوسي والبـلا فـي محاتـاه

هـمٍ علـى قلبـي وهـمٍ يبـاريـه....ولا جـروح القلـب صعبـه تبـراه
ا
لبارحه قلبـي مـن اللـي يداويـه.....ياكود وجـهٍ يبـري الجـرح ملفـاه

حامت شياطيـن الشعرمـن بلاويـه.....وسرحت في عالم صعيـبٍ بمسـراه

هلّت دموع العيـن هلّـت غواديـه.....على الذي قلبي مـن النـاس بـداه

اكتب حسين القاف وارجـع ومحيـه....جف القلـم حبـره ولا نافـعٍ مـاه

شطـرٍ نهليبـه وشـطـرٍ نحيـيـه.....وشطرٍ على ماقيـل ملعـون مثـواه

هـذا حبيـب ولا عليّـه مشـاريـه.....عشره قديمه والحكـي تـوّ معنـاه

ترى الوفـا والطيـب حـق ٍموّفيـه......ترى الغـلا والحـب حـق موّفـاه

من باعني بعتـه وتقصـر خطاويـه.......مدعي عليه ادعي عسى الله يرعـاه

لا ياندي العـرض هـذي تواصيـه.......ابوي انا اللي وافي الهـرج بوصـاه

وانا الذي من يشري القلب شاريـه......هـذا محلـه قلبـي واسعـد بلقيـاه

اقلّطـه فـي صـدر قلبـي وهلّيـه........ارحب هلا واهلاٍ وننحر لـه الشـاه

ونقـدّم الفنجـال والهيـل حالـيـه.........اشقر مقره من ورى الهنـد مجنـاه

يعني انتهى المشوار لابـاس ياهيـه.......خمسين بيتٍ شاعـر الجـن سـواه

وخمسين بيتٍ تقفي اللـي مسويـه......مسرج خيول الجن واهجيـك بحكـاه

مـن قـدّم الطيبـه نرفّـع معاليـه.........ومن قدّم السيّه مع الـدرب دسنـاه

ادعيك من قلبي وانا الغيـر مدعيـه......مشتاق انا والشوق وشلون ابنهـاه

في داخلي حربٍ من الشـوق مذيـه.....والصبر طعمه مر وكيـف اتحلـواه

من لايعرف الحـر لاشـك يشويـه.....اخطيت في حقي وانا ارجيك رجـواه

انا الذي منهو رقـا فـوق اوطيـه........عليـك ياللـي كـل رجـمٍ تـعـلاه

لا تحسب اني بسهر الليـل مقضيـه......جاتك مثايـل وفهـم القـول وقـراه

قبل امس احبه وفتخر فـي تلاقيـه......واليوم هذا مثلـي صـرّح كرهنـاه

الخط الاحمـر ليـه نفسـك تعديـه.......قد قلـت الـك ومحـذّرك لا تعـداه

رادي ومثلـي لاحشـى مـا ترديـه.......درب الردى لارحـم منهـو تمشـاه

كان الغـدر ميـزه وتفخـر بتاليـه......الله يعينـك تالـي الوقـت عــزاه

تصبح مابين النـاس محـدٍ يدانيـه.......قبلك صفق يمناه فـي كـف يسـراه

الرادي اللي يمشـي محـدٍ يراعيـه......هذي حياتك باخـر الوقـت وتـلاه

ياللي تقول الحـب وافـي ومرخيـه......حبل الوفا تقصره وشلـون ترخـاه

الحـر لامـن فـز يكفـخ جناحيـه......انا عزيـز النفـس واللـي ورثنـاه

المرجلـه والطـيـب لازم نقـديـه......مانـي شحيـحٍ تايـه ارداه بـرداه

واليوم ياوجـهٍ بـدا فيـه وشفيـه.....الاّ عرفـت القلـب هـذا ومرضـاه

لا يالذي قلبك مـن الغـدر تحشيـه.....هذا وانـا مهجيـه وذكـر حلايـاه

.لكن علي الله ماعـاد انـا ارجيـه.....فـي رجعتـه هـمٍ ولا عـاد نبغـاه

فيـه البقـا واللـي حلاتـه نعزيـه......اقولهـا مـن بعـد هـذا عرفـنـاه

يرثيه وقت الحـب والحـال ترثيـه.....كـم واحـدٍ قبلـك ترانـا رثيـنـاه

هـذاك غالـي والله اللـي متوفيـه......ولاانت لا مثله ولا وجيـت شـرواه

يشهد له التاريـخ حضـر وبواديـه....يرحمك ياللي وافي الطيـب والجـاه

ونتي بديتي بالغـدر مـن مواريـه.....عمر الغدر شاين ولـو زان مربـاه

درب العنا ياللـي نويتـي مساعيـه.....خايب وظنك ضايـع ابكـل مسعـاه

فيك الغدروافي علـى كـل اراضيـه....ثوب الغدر مـا والله يـومٍ لبسنـاه

بأسم مـن انـزل محمـد وحاميـه.....الـواحـد القـهـار ربٍ عبـدنـاه

ماني على صدك ترى القلب اعنيـه......وشعاد يعنـي لـو مثلـك هجرنـاه

القلب يسلا مع هل الطيـب اسليـه.....عندك خبر كلٍ على كيـف مشهـاه
ا
قفت ليـال الحـب واقفـت لياليـه......والشـوق روّح لاترجـى وتنصـاه

اطغيت حتى القلـب بالغـدر معميـه.....الصبح لك قلبٍ مـع الحـب يهـواه

والليل لك قلـبٍ مـن الغـدر ماليـه......كنت الامل والنفـس مثلـك تحـراه

ماني صغير السـن مثلـك يخطيـه.....زاخطيـت ياللـي كـل شـيٍ تخطـاه

اللـي رقـا للخيـر ربـي يجازيـه......جعله بخير وراعـي الطيـب حيـاه

واللي يحب الشـر منهـو يخاويـه.....ياكود مثـل الطبـع لاشـك خـاواه

العقل راس المـال وشلـون اقديـه.....في ذكر ربٍ عالـي النـاس تخشـاه

جفت عروق القلب جفـت خباريـه....لاتحسـب ان الحـر مثلـي تشـواه

حرٍ وفـي وصفـه طـوالٍ مواميـه....انا عريـب الجـد ياضايـع اجـداه
ا
خطيت في قلبي على الكيف مهديـه.....انا اشهد اني ظالـم القلـب وسقـاه
ا
سقاه من ظيـم الليالـي ومسقيـه.....هـمٍ وكـل هـمٍ موفّـي زوايــاه

الصدر لا من ضاق بالقاف اواسيـه.....شاعر وومّـر كـل شطـرٍ كتبنـاه

اكتب حروف الشعر من كيفي ووفيه.....والشعر وهبـه والعفـو ماشرينـاه

وغيري كثير الناس لشعـر تنخيـه.....الناس واجد ياهـل العـرف تنخـاه

لامن كتـب بيـتٍ تعـزوا بعزاويـه.....مسكيـن ياللـي كـل شطـرٍ تبنـاه

وانا احمد الله كـل شطـرٍ موازيـه....لاطـاح شطـرٍ قـام خيّـه تـوازاه

العقـل وافـي واحمـدلله مكسـيـه.....بالطيب والمعـروف حنـا كسينـاه

حاضر بحاضر ياهل الحسد اسويـه....والموت حقٍ يحصـد العمـر يفنـاه

متين شطرٍ وافي العـرف محصيـه....ساعه وثلث الطـرق حنـا بدعنـاه

وختم قصيدي عـد ماهـب ذاريـه....على النبي اللـي طريقـه مشينـاه