ما مرك الشوق يوم وجيت تطريني
والا تعودت يا عمري على غيابي؟
وين انت عني؟ ولا تدري انا ويني
خليتني ورحت والله بعدك ادرابي
الله وكيلك غيابك بعثر سنيني
ومن غبت عني وانا عايش على اعصابي
يا كثر ما اذكر وش اللي بينك وبيني
وارتاح لحظه وساعه أكره أصحابي
لا راضي القلب ينساك وينسيني
ولا راضي الحب يقفل دونك ابوابي
ظليت للحزن ياخذني ويوديني
والدمعه اللي بعد فرقاك بأهدابي
والشوق واحساس قطع لي شراييني
والشعر وأحلى القصايد فيك واعجابي
والحيرة اللي عقب صوتك تبكيني
والليل وعيون عذالي تشفابي
قلي من اللي بعد فرقاك يعزيني
وأنا خسرت لعيونك معظم أحبابي
وين انت ودي بشوفك يا بعد عيني
ما عاد للقلب طاقة يحمل أتعابي
تعال خذني وضم يديك بيديني
ودي بشوفك قبل لا العمر يفنابي
